د "غیرت یا ناموس" په نوم تاوتریخوالی څه شی دی؟
په یو شمېر کورنیو کې دا خورا اړینه ده چې د کورنۍ ټول غړي شدید اصول رعایت کړي. له دې امله، د کورنۍ شهرت (په اصطلاح “غیرت”) باید وساتل شي، رواج په پام کې ونیول شي او دیني احکامو ته درناوی وشي. ښځې او انجوني باید ډېر احتیاط وکړي او پيروي وکړي او خپل نظریات او غوښتنې مشخصې کړي. زامن او ځوانان باید له قید او شرط پرته د خپلو والدینو خبرو ته غوږ ونیسي او کورنۍ د آبرو یا شهرت له ساتنې سره مرسته وکړي.
د تاوتریخوالي بڼې
یو شمېر کورنۍ په خورا احتیاط سره ډاډ ترلاسه کوي چې دا اصول په هیڅ ډول شرایطو کې تر پښو لاندې نشي. د دې ډول سرغړونې څخه مخنیوي لپاره یا هغه کس ته د جزا ورکولو لپاره چې دا اصول تر پښو لاندې کوي، یو شمېر کورنۍ د جبر او تاوتریخوالي له بېلابېلو ډولونو څخه کار اخلي. دې ته د “غیرت” په نوم تاوتریخوالی ویل کېږي.
یو شمېر بیلګې په دې ډول دي:
کنټرول او شدید اصول
ښځې او انجونې حق نه لري چې په ورځني ژوند کې د خپل ځان لپاره پریکړه وکړي. د بیلګې په ډول، دوی اجازه نه لري چې خپلې جامې یا فراغت د وخت تیرولو څرنګوالي لپاره انتخاب ترسره کړي. په ډېرې مواردو کې دوی یوازې ښوونځي یا د پیرلو د ترسره کولو لپاره بهر ته د تګ اجازه لري. ځینې وخت د هغوی ځیرک ټلیفون هم کنټرولېږي یا د دوی بکس د چک کولو په موخه اخیستل کېږي. د کورنۍ نور غړي په دوی باندې څارنه ترسره کوي او ډاډ ترلاسه کوي چې په پټه کوم حرام کار ترسره نه کړي.
ذهني، فزیکي او جنسي تاوتریخوالی
چیغې وهل، سپکاوی او ګواښل د تاوتریخوالي یوه عامه بڼه ده او د ویرولو لپاره کارول کېږي. فزیکي تاوتریخوالی لکه، وهل، په لغتو یا څپېړو وهل یا جنسي تاوتریخوالی، لکه، له رضایت پرته صمیمي اړیکه یا تیری، همداراز باید ډاډ ترلاسه کړي چې اصول رعایت کېږي. یا له تاوتریخوالي څخه د منع شوي کار د ترسره کولو لپاره د مجازاتو په توګه کار اخیستل کېږي.
له آزادۍ څخه محرمول یا انسان تښتونه
ځينې وخت ښځې او انجونې بندیانې کېږي، تښتول کېږي یا بل هېواد ته وړل کېږي. دا کار غالباً هغه وخت ترسره کېږي کله چې خاوند یا والدین له دې څخه وېریږي چې ښځه یا انجلۍ غواړي کور پرېږدي یا له بل داسې کس سره نږدې اړیکه لري چې د کورنۍ غړی نه دی.
اجباري واده
یو شمېر والدین غواړي پریکړه وکړي چې اولادونه یې له چا سره واده وکړي. د بیلګې په ډول دوی په خپل لور باندې فشار اچوي چې له یوه سړي سره واده وکړي، حتی که چېرې هغه دا کار نه غواړي. په دې ډول دوی غواړي د خپل لور لخوا د پریکړې ترسره کولو مخنیوی وکړي چې له چا سره غواړي جنسي اړیکه ولري. ځينې وخت والدین د خپل زوی لپاره هم یوه ښځه انتخابوي چې هغه باید ورسره واده وکړي. دا کار ډیر کله هغه وخت پېښېږي کله چې والدین په دې باور وي چې زوی یې همجنسپاله دی.
له تاوتریخوالي پرته د ژوند کولو لپاره ستاسو حق
په کورنۍ، اړیکو او واده کې تاوتریخوالی د قانون پر بنسټ منع دي. دا امر په ټولو کسانو باندې د دوی جنسیت، اصل او مذهب ته له پام پرته پلی کېږي چې په جرمني کې ژوند کوي. ماشومان حق لري چې له تاوتریخوالي، ګواښ، له آزادۍ څخه محرومېدو او جبر پرته لوی شي. یو نارینه حق نه لري چې خپله میرمن ووهي، سپکاوی ورته وکړي یا یې په کور کې بندي کړي. سربېره پر دې، هیڅ کوک نشو مجبورولای چې واده وکړي. هر شخص خپلواک دی چې پریکړه وکړي چې له چا سره وي او له چا سره جنسي اړیکه ولري.
که چېرې تاسو جبر یا تاوتریخوالی تجربه کړئ یا د یوه ملګري په اړه اندیښمن یاست، موږ به له تاسو سره مرسته وکړو.